SCINTILLA PLAKATIÐ MITT
Það er alveg ótrúlegt hversu margar fyrirspurnir ég hef fengið í gegnum árin varðandi bleika plakatið mitt frá Scintilla sem ég fékk í Spark. Alltaf hef ég þó þurft að segja fólki að það sé ekki hægt að eignast slíkt því það var aðeins prentað í takmörkuðu upplagi á sínum tíma. En núna get ég hinsvegar glatt ykkur með þeim fréttum að plakatið er aftur komið í sölu en þó með örlitum breytingum. -Þið sjáið nýju plakötin neðst í færslunni-
Ég fann í fljótu bragði þessar þrjár myndir frá mér þar sem plakatið hefur komið við sögu, en eftir hverja birtingu hef ég alltaf fengið ótal fyrirspurnir varðandi hvaðan það er:)
Hér að ofan má svo sjá nýju plakötin, það verða aðeins prentuð 50 eintök af hverjum lit. Þau eru árituð af Lindu og númeruð og eru í stærð A0 (84×118 cm). Plakötin fást aðeins hjá Scintilla í Skipholti 25 og kosta 12.900 kr.
Vonandi gleðja þessar fréttir einhverja þarna úti:)
