صباح\مساء الخير
انا مو دارسه فاشن ولا ستايلست
لكن افهم حق تركيبه جسمي
انا ممتلئه او متروسه من الجزء السفلي من الجسم
لذلك اكتشفت مع الوقت اني ما اقدر البس بنطرون مشجر وافضل الغوامج للبنطرونات او الوان فاتحه معينه
مثل الابيض
ويفضل اني البس بنطرون بقصه غير واسعه وايد واذا كان واسع لازم البس عليه طول بلوزه معين
الا اذا كان بخاطري وصراحه خاطري غالي ماراح ارده لوول
هالشي ما تعلمته بيوم وليله، كوني احط صوري بالانستغرام يعني يكون عندي مرجع لطريقه لبسي وانتقاد نفسي وتحسين النقاط الي ما حبيتها بلبسي
غلطت وايد، تابعت بلوقرز حسنوا من اختياري للي يناسبني وقريت مقالات ثقفتني من هالناحيه
وليلحين احس اني ابي اتعلم اكثر واطور من نفسي
طبعا لما اضعف يكون واااااايد اسهل علي اختيار الملابس لانه ماكو شي ابي اخبيه\ اخشه
لكن تغييرات الجسم لا بد منها وانا عايشه بسلام مع هذا الموضوع حاليا، اذا متنت اتبع قوانين جسمي واذا ضعفت استانس والبس الي بخاطري
اخليكم مع لبس
Details
تفاصيل
Pants: Trendy N Chic
البنطرون: تريندي اند شيك
Dress and vest: Zara
القميض الريش والجوليه\ الفست : زارا
Bag: Chloe
الحقيبه: كلوي
Heels: Christian Louboutin
الكعب: لابوتان