My wishes for my 28th birthday.. أمنياتي للسنه ال ٢٨ من عمري
أخخخ ما بقى شي على ال ٣٠
بس والله متحمسه حق الثلاثينات، احسها سنوات النضج
المهم عيد ميلادي بأول بشهر ابريل ان شاء الله وشفت بوست في بلوق وحده واااايد احبها اسمها نيكي تيتوريال Nikkie Tutorial
http://www.nikkietutorials.com
كانت حاطه بوست عن امنياتها بعيد ميلادها، حبيت الفكره وقررت اني اكتب لسته بأشياء ابي اسويها او اشتريها بهذي السنه
بس حبيت اقول اني مو ناطره احد اييبلي اياهم والبوست مو نقزه حق احد عشان اييبلي اياهم. بس حبيت الفكره وقلت بدال لا اكتبها بمذكرتي بس اشاركم فيها وكل ما شريت او حققت شي فيهم اشاركم وناستي اني حققتها
اذا احد من اهلي حاب يحققلي احد الامنيات ماراح اقول لا هههههه
خل نبدي بأول امنيه
١- Sophia Webster/ Lilico heels
من زمان ابي كعب من هالماركه وهذا واااااايد عجبني وان شاء الله راح اخذه باقرب وقت
٢- Celine TieTote bag
اكيد لاحظتوا الصوره الي حطيتها من فتره بانستغرام حق هالجنطه
حبييييييتها و ان شاء الله بسفرتي اليايه واح تكون باللسته
٣- Bottega Veneta laptop bag
بما انه لابتوبي من اول ما بديت اليوتيوب صار صديقي الي دايما معاي، احتاجله جنطه انيقه
وصلتني جنطه من امريكا وايد حبيتها بس ما حسيتها تلوق لي وايد
مو لازم تكون من بوتيقا بس حبيت الي من بوتيقا وايد
٤- Givenchy Sneakers
مادري شفيني من بدت السنه وانا مستخفه على جيفنشي
ما بقى شي ما حبيته، بس باقي هذووووول الجميلين
مثل ما قلت بموضوع سابق انه هالنوعيه من الجواتي اهيه موضه هالسنه
وايد حابه انه يكون عندي لانه مريح
لكن الاولويات تحكم! اتوقع راح افضل اشتري اشياء ثانيه اذا وقع الاختيار بينه وبين احد الاشياء الموجوده باللسته
نشوووووف
٥- ِِAnastasia Brow-pro-palette
هذي الباليت استخدموها اليوتيوبرز واااايد في فيديواتهم واكثرهم حبوها، حابه اني اجربها هالسنه ان شاء الله واكيد بعطيكم رايي فيها
٦- Motives Cosmetics
ماركه مكياج من فتره وانا حاطه ببالي اني بجربها، فراح اخذها ان شاء الله بسفرتي اليايه حق لندن
صورهم بانستغرام تشوووووق
٧- Stilla Makeup
اتيننننن ومادري ليلحين اذا متوفره بالكويت او لا بس ان شاء الله بجربها لانه لمعه الشدوات اتيننننن
٨- Canon Camera 700D
هذي الكاميرا شفتها ببلوق نيكي ، لما شفت المواصفات الي كاتبتها بالضبط نفس المواصفات الي ابيها بالتصوير الفيديو فراح تساعدني وايد بتصوير يوتيوب
٩- AlHamra Thermae (GYM)
قبل يومين رحت خذيت توور بالنادي
ينييييييينه عليه انا واختي، قتلها لازم اشترك فيه
موجود ببرج الحمرا
حبيته لانه مو زحمه وكبير وشرح وفيه ممشى خارجي فوق يشوووووق ويطل على مدينه الكويت
( نياهاها قبل لا أنزل هالبوست اشتركت)
١٠- Visiting Bahrain, Qatar, Oman, USA and Greece
ازور هالدول
البحرين، قطر ، عمان، امريكا و اليونان
وحده من امنياتي الابديه اني اخذ كورسات مكياج بلندن
هالسنه بحاول احققها
١٢- 1M on Instagram this year INSHALLAH ;D
هذي مو امنيه، راح اشتغل اشتغل اشتغل و ان شاء الله راح اوصل
بس عشان لا تقولون! هذي لسته بالاشياء المتعلقه بالمواضيع الي مهتمه فيها المدونه، يعني عندي اشياء شخصيه ودي اني احققها بحياتي وخطوات وايده عشان احقق احلامي واقوي من شخصيتي واثقف نفسي
يعني وحده من الشغلات الي انا حريصه اني اعطيها وقت اكثر من وقتي اهيه القراءه لانها كانت هوايتي الابديه ومن بديت البلوق لهيت عنها
وشغلات وايده
المهم كل وحده فيكم تسوي لسته بالاشياء الي تتمناها او تبي تحققها وتكتبها جدامها وكل ما حققت شي تشطب عليه ، هالشي راح يونسكم وااااايد لانكم قاعدين تشوفون انجازاتكم تتحقق جدامكم وتحبون روحكم اكثر
