Some of my New drugstore makeup .. استخدامي لبعض منتجات نكس ورويال

من جم يوم قتلكم اني شريت مجموعه مكياج من سنتر بوينت

عندهم خصومات، لا تتوقعون انها خصومات خياليه لانه اساسا مكياجهم رخيص

يعني ينزلون نص دينار الى دينار

المهم

امس جربت كذا شغله من الي شريتهم وحبيت اقولكم رايي فيهم

محددات نكس

الفتره الاخيره اكتشفت انه المحددات تكبر شفايفي نوعا ما ، فقررت اني اشتري

كان عندي من نكس محدد وردي وايد احبه، فقررت اشتري باجي الالوان

مثل ما انتو شايفين الالوان طبيعيه ومو صارخه تنفع حق الاستخدام اليومي

في عندهم كذا نوعيه

هذوله كريميين يهبلوووون ينفعون حتى بدون حمره لانهم دسمين نوعا ما

النوع الثاني شوي انشف ينفعون حق تحت الحمرا اكثر لانهم ناشفين فيمسكون الحمرا الي ما تثبت

انا خذيت هالنوع لاني ابي احطهم تحت الجلوسس الي عندي

الشي الثاني الي شريته وحبييييييييته جلوسات لوريال الجديده

لا لا رووووعه

حبيتهم كثر ما حبيت جلوسات مارك جيكوبز

بس تأكدوا انهم اليدد لانه الي اقدم منهم المات كلش ما حبيتهم

الشي الثالث من نكس

قلم شدو ابيض عريض

الحين بحط لكم صوره تبين طريقه استخدامي له

حطيته بطرف عيني من داخل قبل الشدو

ثبت الشدو بطريقه حلوه

هذي الطريقه اذا سويتها بعيني ويهي يصير شكله برئ لوول

الحين بوريكم لووك امس وشنو استخدمت فيه من المنتجات اليديده

هذي الصوره باضاءه بروفاشينال

وهذي باضاءه السياره بتصوير الايفونة

وهذول الاشياء الي استخدمتهم باللوك

كحل ستيلا صرت ما استغني عنه ايننننن وكريمي ويكبر عيني بشكل حلو

والشدو من مودا اي شاين، مليتوا وانا اتحجى عنه بس شسوي نوعي اذا حبيت شي استخدمه وايد

وهذا القلم مال نكس حبيته ، حطيته قبل الشدو ثبته طول اليوم

لانه تدرون الشدوات اللمعه يقعدون فتره صغيره ويختفون

استخدمت تحديد نكس وفوقه جلوس لوريال

كل اسمائهم وارقامهم كتبتهم تحت بالانجيلزي

List of products:

-NYX LipLiner / Pretty in Pink

-L’Oreal Lipgloss / 101 Rose Melody

-Stilla eyeliner / Pearl

-NYX Shadow stick/ Crystal

-Moda I shine shadow / 301

ان شاء الله استفدتوا