تغطية اسأل مجرب لافتتاح جو مالون بالرياض Jo Malone
في
غرناطة مول
Jo Malon لهم 3 فروع في السعودية فقط
الفرع الأول في الرياض مركز المملكة
والحين افتتحوا فرعهم الثاني الجديد في الرياض غرناطة مول
وعندهم فرع في الشرقية الظهران مول
منتجات Jo Malone بريطانية وأشهر من النار عالعلم في كل العالم اللي يميزها الفخامة الانجليزية وبنفس الوقت جامعة احتياجاتك من عطور وعناية بالجسم والبشرة والمنزل من شموع وفواحات
أشوفها هدية حلوة لنفسك أو هدية لشخص عزيز عليك
عجبني تصميم المحل كلاسيك وراقي بنفس الوقت وهو الثيم المعتمد لمحلات جو ملون في كل العالم أنا من الناس اللي يهمني ديكور المكان ويلفت نظري مره
أول ما تدخلين تقابلك طاولة الرخام تلقين فيها ديسبلاي لكل أنواع العطور الصباحية وزبدات الجسم لكل عطر والشمعة لكل عطر وبالجهة الثانية تلقين العطور المسائية الدافية
هنا عرض لبعض الشموع والعطور المسائية اللي يميزها لونها الأسود أحب انهم غيروا اللون عشان اللي ما عنده خبرة بعطورهم يفرق أول ما يشوفها
هنا تقدرين تجلسين وتجربين المنتجات لو حابة او لو تنتظرين شخص وطفشتي اممم اعتقد هالكراسي بتصير للرجال الطفشانين أو الأطفال المرافقين لأهلهم خصوصا انك اذا دخلتي المحل بتجلسين أقل شي ساعة من كثر الأشياء اللي بتجربينها ولا أعتقد ان فيه بنت بتدخل هالمحل وبتجلس عالكرسي تنتظر بدال ما تجرب المنتجات
شخصيا أكثر مالفت نظري العطور بما اني من عشاق العطور والعناية بالجسم بشكل عام ماقدرت أطلع من المحل بدون شي
أسوي لكم عنه ريفيو
طبعا ما راح أوريكم وش بالعلبة انتظروا الفديو اللي بنزله عن منتجات
Jo Malone قريب ان شاء الله بينزل على قناتي في اليوتوب es2almujarib
لتكبير الصور الرجاء الضغط عليها *
لمعرفة أماكن تواجد المحلات المذكورة في مدينتك زوري دليل التسوق *
اذا حبيتي المدونه واللي تقدمه لا تنسين دعمها و الاشتراك ومتابعتها لتصلك التحديثات*
